مشكله الاردن إنه الخبر الأكثر قراءة هو: ثلوج متراكمة أم غير متراكمة؟ |
| 11 January 2012 22:10 | |
|
إهتمام الأردنيين بالثلج غريب جداً، أو مثل ما بسموه عادةً بالتلفزيونات والصحف التقليديه: الزائر الأبيض! فمن خلال نشر بعض الأخبار المتعلقة بهذا الزائر وأيضاً من خلال متابعة الأخبار المتناقله من المواقع الأخرى، بتكتشف إن خبر "الثلجه" هو الأكثر قراءة وبالتالي الأكثر إهتماماً من فئات الشعب - حتى في زمن "الربيع العربي" والأخبار غير المسبوقة التي تحدث في الأردن والعالم العربي! المشكله الأدهى أنه إهتمام الشعب الأردني مش إذا في ثلج أو ما في ثلج .. الإهتمام الأكبر إنه الثلج المتوقع يتساقط "متراكم ولاّ غير متراكم"! يعني بالعربي "في عطله ولا مافي عطله"؟ يعني لا هو إهتمام بحاجة الأردن إلى الماء، ولا المستوى المطري، ولا الفائده للوطن أو أي أفراد الشعب من الخير المتساقط، ولا حتى بفرحة اللعب بالثلج لأنه ثلث أرباع الشعب الأردني الداعي ليلاً نهاراً لسقوط الثلج المتراكم ما بطلع يلعب أصلاً لأنه بحكيلك يا كتير برد، يا كبرنا على هيك شغلات، يا شو بدي بهالبهدله خليني محترِم حالي جنب الصوبة أحسن، أو مش فاضيين بحضرو شاهد ماشفش حاجة ومستر بين، وبريّحو بيناتهم في أغنية فيروز تلج تلج مع مناظر من حديقة التلفزيون الأردني وهي تستقبل الزائر الأبيض! خبر بحكيلك نقلاً عن الأرصاد "الاوروبيه" في ثلج متراكم الأسبوع القادم في عمان، وخبر من خبراء محليين بحكيلك ننفي الخبر المتناقل بطريقه جنونيه في الاردن عن تراكم الثلوج في عمان الأسبوع القادم فهي ستكون ثلوج غير متراكمه فقط، مش ناقص غير يطلع مسؤول يستنكر كمان! والشعب بس أول ما يسمع بثلوج "حتى لو انها غير متراكمه" بركض يشتري خبز وكاز يكفو لشهر، واحنا أكبر ثلجه ممكن تحبسك بالبيت بتكون ليوم وصرلها زمان ما صارت!
الناس بتسأل بعض.. "بقلك بكرا في تلج .. اه بس المشكله مش متراكم .. لأ يا زلمه شو استفدنا"!! والمشكله إذا تراكم نص سنتمتر الأردن كلها بتعطّل! بطّل الواحد يعرف المشكله بالشوارع تبعتنا ما بتتحمل نص سنتمتر تلج ولا المشكله بالسيارات والعجال القديمه، ولا المشكله بسلوك الشعب المتكاسل والآيل إلى التعطيل على أهون فرصة!! .. بقلك خلي الشعب يفرح.. طب يا أخي ماشي مش عم نحكي إنو ما نفرح بالتلج ونتمناه، بس مش على حساب الإنتاجية الله يخليكم، الفكرة بس إنه المستحوذ الأكبر على عقولنا لازم يكون العمل لمصلحتنا ولمصلحة البلد، مش الثلج متراكم ولا غير متراكم! و اما في خبر عاجل وردنا الآن: أنباء متضاربه عن دعوات لمظاهرة وإعتصام مفتوح أمام رئاسة الوزراء، تحت شعار الشعب يريد إسقاط الثلج، تطالب بإحالة مدير الأرصاد الجويه لهيئة مكافحة الفساد بتهمة التأثير على أمن الأردن الداخلي و زعزعة مشاعر الأردنيين الشرفاء الذين جهزو أنفسهم لعطله طويله بسب زعمه المسبق أن الثلوج من النوع المتراكم، لكنها لم تأتي وهذا يعد إستغلال للسلطة وتهاون في العمل .. و شمّست والنيّه تثلج We respect all intellectual thoughts, register & publish your articles | نحترم جميع الاراء الفكريه، سجل وانشر مقالك |
مشكله الاردن إنه الخبر الأكثر قراءة هو: ثلوج متراكمة أم غير متراكمة؟
We barely even get 1 snow day per year in jordan, so 1 day of no productivity might result in better moods >> better health >> less health insurance expense so the terminal results would be good i think.
What i'm trying to say that there's a lot of stuff that impair productivity in jordan and none of them is caused by snow, thing is, no body is getting motivated to be productive, can't blame them really because one would say, "Be productive? how much would i give to the country? 10000JDs? screw it, they're probably gonna be reaped -along with other people's incomes- by someone rich or in the parliament or whatever"Stop, pause, eat eat kitkat & play in the snow ^w^
unless you give some reason for people to be productive, no one's gonna be, productivity should be self-initiative, but can't blame jordanian's really :/
كم راتب المعلم؟ كم راتب الموطف في شركة؟ كم راتبك؟ وهل يتناسب راتبك مع العمل الموكول لك أو مع عدد ساعات عملك؟
في الأردن معظم الناس يعملون بالسخرة فكيف تريده أن ينتج. أنا معكك في أن المواطن الأردني غير منتج وإنتاجيته صفر أو أكثر بقليل ولكن هل يجوز لنا تقريعه دون أن نقدم له مقابل لعمله أو حوافر أو تشجيع لزيادة الإنتاجية.
معلومة قد تفيدك : هل تعلم لماذا موظفي الجمارك في مكافحة التهريب ما بناموا الليل وبعملوا كل جهدهم يمسكوا مهرب وحتى ممكن يلبسوا واحد تهريب وهو مش مهرب؟؟
السبب إن دائرة الجمارك بتكافئ الدورية الجمركية اللي بتضبط مهربات مكافأت مجزية.
أذكرك بالقول (أعطي العامل أجره قبل أن يجف عرقه).
انا متأكدة انك أول واحد بتستنى تعطل , بتلج أو بدونه !!
شوفلك شي مفيد احكي عنه بدل ما انت شغال بهالشعب!!
يعني ازا عطلوا بتتأثر عطوفتك كتير ؟؟
I really enjoy how you spot the light on the problems we face everywhere with efficiency and productivity. but i would still look at the bright side, and be be optimistic. maybe i'm not living in the real world, but thats my way of looking at it.
I Just don't see the purpose of the last paragraph! "I just had to say it"!
RSS feed for comments to this post